Turneu i Lionel Messit në Indi është ktheyr në një makth për futbollistin argjentinas. Mijëra mbështetës e adhurues që kishin paguar deri në 12 mijë rupi apo ndryshe 100 paund vërshuan në stadium duke thyer karriget dhe duke hedhur sende të forta drejt fushës së Salt Lake në Kalkuta. Ata u zhgënjyen kur panë yllin e futbollit që të dilte dhe të ecte nëpër fushë ndërsa shoqërohej nga një grup i madh zyrtarësh. Por kur sulmuesi i Argjentinës dhe Inter Miami u largua pas 20 minutash, turma u bë agresore dhe u hodh në fushë. Kryeministrja e Bengalit Perëndimor, Mamata Banerjee, tha se ishte "thellësisht e shqetësuar dhe e tronditur" nga ngjarjet. Messi është në Indi për turneun e tij 'GOAT [më i miri i të gjitha kohërave]', një seri ngjarjesh promovuese në Kolkata, Hyderabad, Mumbai dhe Delhi. Turneu i tij filloi me zbulimin e një statuje 21 metra të lartë në Kalkuta , e cila ishte montuar gjatë 27 ditëve nga një ekip prej 45 personash. Messi u shfaq virtualisht për shkak të shqetësimeve për sigurinë.