Hetimet për tragjedinë me 3 të vrarë në qytetin e Klosit, kanë marrë tjetër rrjedhë, pas marrjes së dëshmive të personave të përfshirë në të. Policia ka vendosur të lirojë 2 vëllezërit e autorit Fiqiri Mjeshtri, pasi ka dalë në përfundimin se nuk dinin gjë që i ndjeri ishte i armatosur kur kishin shkuar të takonin viktimat në lokal. Një nga personat e pranishëm në vendin e ngjarjes, Fatbardh Mjeshtri ka zbuluar mesazhin që i ka shkuar në telefon vëllait në Angli, ku i thuhej se vajza e Fiqiriut po shantazhohej nga dy djem. Ai i ka bërë thirrje baballarëve të dy djemve të përfshirë në këtë histori, që ta mbyllnin këtë punë. Por 17-vjeçari që humbi jetën ka kërkuar një takim me babain e vajzës. Autori pasi ka mësuar historinë, ia bëri të qartë që njëri prej dy djemve të martohej me vajzën e familjes Mjeshtri. Në momentin që djemtë kanë kundërshtuar dhe kanë ofenduar vajzën, ai ka nxjerrë armën dhe ka qëlluar.