Kryeministri në detyrë dhe kryetari i Lëvizjes Vetëvendosje, Albin Kurti, ka falënderuar qytetarët për pjesëmarrjen në balotazhin e zgjedhjeve lokale që u mbajtën më 9 nëntor në 18 komuna të vendit. Përmes një postimi në FaceBook, Kurti shkruan se është mirënjohës për qytetarët që ushtruan të drejtën e votës, duke theksuar se ata treguan vullnet dhe pjekuri demokratike dhe kontribuan në orientimin e politikave publike në komuna. Teksa thekson rëndësinë e llogaridhënies, Kurti shkruan se tani çdo kryetar do të duhet të mbajë përgjegjësi për premtimet e dhëna dhe gjendjen në qytete e fshatra. Teksa iu drejtohet aktivistëve të Lëvizjes Vetëvendosje, Kurti nënvizon rezultatet pas balotazhit, dhe shprhet se VV do të qeverisë në shtatë komuna, “më shumë se kurdoherë më parë”. Ndërsa I referohet krizës politike dhe bllokadës në parlament, Kurti shkruan ‘“Lëvizjen tonë s’e ndali dot as bashkimi i të gjithë kundërshtarëve. Ju faleminderit çdonjërit për angazhimin. Na presin shumë punë e sfida, që do të thotë se para nesh ndodhen shumë suksese e fitore,” përfundon postimin kryeministri në detyrë.