Kryeministrja italiane, Giorgia Meloni po qëndron për një vizitë në Serbi ku do të pritet në një takim nga presidenti serb, Aleksandar Vuçiç. Mediat italiane shkruajnë se takimi do të mbahet në pallatin presidencial në serbi dhe ka si qëllim të konsolidojë bashkëpunimin dy palësh. Në fokus të vizitës është pra bashkëpunimi ekonomik pasi në gjashtë muajt e parë të këtij viti, tregtia mes dy vendeve ka regjistruar një vlerë prej 1 miliard e 902 milion eurosh. Në të njëjtën periudhë, italia ka qenë edhe vendi i tretë furnizues i serbisë dhe destinacion i tretë tregu për produktet serbe. Rreth 1200 kompani italiane ndërkohë operojnë në Serbi. Por sigurisht, nuk do të mungojnë edhe temat e rëndësishme gjeopolitike. Disa vende anëtare të BE-së janë të shqetësuar nga marrëdhënia mes beogradit dhe moskës dhe e konsiderojnë këtë një rrezik për unionin. Sidoqoftë, procesi i integrimit evropian mbetet rruga kryesore për ta mbajtur serbinë të lidhur me kampin perëndimor. Cështja e kosovës po ashtu mbetet një element i rëndësishëm. Nga perspektiva italiane dhe evropiane, është e domosdoshme të parandalohen tensionet në veri të kosovës, të vazhdojë dialogu i ndërmjetësuar nga BE dhe të shkohet drejt normalizimit të marrëdhënieve mes serbisë dhe kosovës. Vizita e Melonit, sipas mediave italiane, shërben edhe për të mbështetur këtë dialog.