Pesë të arrestuar, anëtarë të bandave kriminale që u goditën nga megaoperacioni i SPAK me 50 urdhër arreste, kanë dalë këtë të hënë para Gjykatës së Posaçme Kundër Korrupsionit dhe Krimit të Organizuar. GJKKO vendosi vijimin e masës së sigurimit arrest në burg për Emiljano Shullazin, Besian Xhixhën, Enver Divën, Gjergj Cukalin dhe Albert Zajën. Vendimi për Emiljano Shullazin u vonua me disa orë, pasi avokati Artani Simoni nuk u paraqit dhe deklaronte se nuk e mbron dot Shullazin pasi në një tjetër procedim ai mbron Luftar Reçin cili e akuzon Shullazin për vrasje. Kur u njoh me masën e sigurisë rreth orës 14:00, avokati i Shullazit Elton Hyseni kërkoi që komunikimet e sky ecc të konsiderohen të papërdorshme, pasi vetë gjykata Evropiane në Luksenburg i ka konstatuar këto pergjime të papërdoreshme.