“Porti më i rëndësishëm i Shqipërisë është sërish në qendër të vëmendjes, dhe zhvillimet e fundit në Portin e Durrësit ngrenë pyetje që shtrihen përtej kufijve kombëtarë.”, kështu e nis artikullin media gjermane Capital Beat, ndërsa e përshkruan pronarin e ri të koncesionit të portit, biznesmenin kroat Filip Rogosic si person të lidhur me komani në amerikën Latine. Artikulli bën një parantezë të gjithë situatës që nga vitit 2013, kur kalata lindore e portit iu dha kompanisë gjermane EMS Shipping and Trading GmbH për t’u menaxhuar dhe deri tek braktisja e projektit në vitin 2024 dhe kalimi më pas për 13 milionë euro tek kompania kroate SCAPHA D.O.O., e drejtuar nga Filip Rogosić si dhe tek përplasjet ligjore pas eksporteve të dyshimta për të cilat Capital Beat, thotë se situata ka shetësuar dhe politikën gjermane që po e ndjek më vëmendje këtë çëshjte. Artikulli përmend të afërm të Rogosić ne kete biznes ndërsa thekson se Shqipëria duhet të bëj kujdes pasi mungon transparenca. “Situata në Portin e Durrësit nxjerr në pah një dobësi thelbësore: mungesën e transparencës dhe mbrojtjen e pamjaftueshme për investitorët. EMS dhe SCAPHA D.O.O. janë shembuj të asaj se sa shumë Shqipëria varet nga kapitali i huaj, por pasiguritë mund të largojnë investitorët e tjerë të mundshëm.