Detaje të reja janë zbuluar nga vrasja e Ilaria Sulës, 22-vjeçares shqiptare që u masakrua me thikë nga ish I dashuri I saj nga Filipinet Mark Antony Samson. Autori rrëfeu para hetuesve të Romës se pasi I mori jetën partneres së tij shqiptare u përpoq ta fshihte ngjarjen duke future trupin e saj të pajetë në valixhe dhe duke e hedhur më pas në një humnerë. Agjentët e kriminalistikës referuar provave të mbledhira ndërtuan dinamikën e ngjajres. Nga veprimet hetimore mendohet se krimi ndodhi në apartametin e filipinasit në rrugën Homs ku ai jetonte me prindërit, të cilët po ashtu janë vendosur nën hetim pasi dyshohet se mund të jenë të implikuar në këtë vrasje. I riu ka thënë vetëm “më vjen keq për çfarë kam bërë”, por asgjë sa i përket motivit të vrasjes. Dyshimet janë se ngjarja mund të ketë ndodhur natën që ajo është zhdukur, më 25 Mars. Paraprakisht dyshohet për një krim pasioni. Por hetuesit po punojnë për të gjetur prova të mundshme që flasin për një vrasje të paramenduar. Pasi i mori jetën vajzës me të cilën kishte pasur një lidhje romantike prej muajsh, 23-vjeçari filipinas e futi trupin e saj në një valixhe dhe e çoi në makinë. Nga aty shkoi në zonën e Polit, një qytet rreth 40 kilometra larg Romës, ku e hodhi në humnerë Më pas u kthye në kryeqytetin italian ku fillimisht hodhi thikën në një kazan plehrash dhe celularin e viktimës në një pusetë. Me anë të telefonit të Ilarias, 23-vjeçari u përpoq që të çonte në drejtimin e gabuar hetimet. Ai fshiu profilet sociale të viktimës dhe dërgoi mesazhe drejt miqve dhe familjes së saj.