Eurostar është zotuar të operojë trena direkt nga Mbretëria e Bashkuar në Gjermani dhe Zvicër, ndërsa përpiqet të mbrohet nga konkurrentët potencialë. Drejtoresha ekzekutive e operatorit hekurudhor, Gëendoline Cazenave, tha se nuk kishte dyshim se shërbimet direkte do të funksiononin në fillim të viteve 2030 pavarësisht dështimit të sipërmarrjeve të mëparshme për të lidhur Londrën dhe Frankfurtin. Eurostar tha se kushtet tani ishin "të duhurat" dhe se ishte gati për një "epokë të re të artë të udhëtimit të qëndrueshëm ndërkombëtar", ndërsa përsëriti planet për të blerë deri në 50 trena të rinj. Numri total i pasagjerëve për Eurostar u rrit me 5% vitin e kaluar, dhe një numër lojtarësh të tjerë të mundshëm kanë njoftuar plane për të thyer monopolin e tij në shërbimet e trenave midis Britanisë dhe Francës. Megjithatë, rregullatori hekurudhor ka thënë se në Londër ka hapësirë vetëm për një operator tjetër, ose që Eurostar të zgjerohet. Rregullatori i ka kërkuar Eurostar dhe rivalëve të tij të paraqesin plane, për një vendim më vonë këtë vit, se si të shpërndajnë hapësirën. Grupi Virgin i Richard Branson ka njoftuar plane për një shërbim me 12 trena përgjatë Kanalit, ndërsa një operacion me madhësi të ngjashme mund të drejtohet nga një startup britanik, Gemini Trains, i kryesuar nga laburisti, Lord Berkeley. Hekurudha shtetërore italiane po kërkon gjithashtu të hyjë në treg në një sipërmarrje të përbashkët me një kompani spanjolle. Duke reaguar ndaj një situate të tillë eurostar ka prezantuar planet për trena direkt nga Londra në frankfurt dhe gjenevë, me udhëtimin që zgjat për pesë orë deri në qendrën financiare gjermane dhe 20 minuta më shumë deri në qytetin zviceran.