Detaje të reja kanë dalë në dritë mbi vrasjen e Savannah Kullës, 29-vjeçares shqiptare të ekzekutuar nga ish-bashkëshorti i saj në parkingun e një qendre tregtare në Kanada. Ngjarja ndodhi të martën pasdite, kur policia u njoftua për një grua të qëlluar me armë. Pavarësisht ndërhyrjes së shërbimeve të emergjencës, Savannah humbi jetën në vendngjarje. Pas krimit, autori tentoi të largohej me foshnjën 17 muajshe në duar, por u qëllua për vdekje gjatë ndjekjes nga policia. Fëmija fatmirësisht shpëtoi pa lëndime.