Ministrja e jashtme gjermane, Annalena Baerbock, i cilësoi disa pjesë të udhëtimit të saj të fundit në Kinë si ‘më shumë se sa shokuese’ dhe tha se Pekini po bëhej gjithnjë e më shumë rival sistematik se sa partner tregtar dhe konkurent. Komentet pasuan vizitën e Barebock në Pekin, javën e kaluar, ku ajo paralajmëroi se cdo përpjekje nga kina për të kontrolluar Tajvanin do të ishte e papranueshme. Pekini pretendon se Taivani i vetëqeverisur, është një provincë e kinës dhe nuk e ka përjashtuar asnjëherë mundësinë e përdorimit të forcës për ta kthyer ishullin nën kontrollin e tij. Barebock po ashtu tha se Kina donte të ndiqte rregullat e saj në kurriz të rendit të bazuar mbi rregullat ndërkombëtare. Pekini në këmbim i kërkoi gjermanisë të mbështesë ribashkimin me Taivanin dhe tha se Kina dhe Gjermania nuk ishin kundërshtarë por partnerë. Duke folur para bundestagut, të mërkurën, për udhëtimin e saj në Kinë, Barbock tha: Disa pjesë të tij ishin në të vërtetë më shumë se sa shokuese.