Për gjeologun Lance Karlson, pushimet që po kalon tani do të mbeten gjithmonë në kujtesë. Dhe kjo për shkak të një oktapodi. Karlson rrëfeu se teksa notonte në një plazh të Australisë Perëndimore, ka ndeshur në një oktapod të cilin ai vetë e përshkroi me shaka si “mjaft të zemëruar”. I bezdisur nga prania e gjelogut, oktapodi e ka qëlluar me tentakulat e tij duke i lënë shenja të dukshme në qafe dhe kurriz, ndërsa më tej e godit edhe në krah. Karlson thotë se njollat në lëkurë iu qetësuan pak vetëm pasi hodhi mbi to ujë të ftohtë. Karlson, ish roje bregdetare, pohoi për televizionin vendas 7News se trajtimi i tij i preferuar për pickimet e krijesave në det është uthulla, por në ate moment nuk kishte se ku ta gjente. Lance kishte pasur me vete edhe vajzën dy vjecare dhe u shpreh se fakti që oktapodi i sulmoi, ishte një tronditje e vërtetë për të. Por nuk e la me aq; gjeologu la vajzën në breg e u kthye dhe e gjeti oktapodin, të cilit sic thote, i dha ca goditje të mira.