35-vjeçari Majlind Habibi, ka përmbysur deklaratën e tij në polici, të një dite më parë, në lidhje me vrasjen e shokut të tij 33-vjeçar Branko Shkoza. 35-vjeçari ka pranuar në polici, se nuk ka dashur ta vrasë shokun e tij. Sipas tij, I arresttuari është konfliktuar me viktimën, pasi i kishte ngacmuar gruan. Sjellja dhe reagimi i viktimës, sipas autorit, ka qenë përçmuese, tallëse dhe se ai e ka shtyrë duke e hedhur në kanal, por pa menduar pasojën. Pas zbardhjes së ngjarjes së Spitallës, janë shfaqur tensione mes dy familjeve Habibi dhe Shkoza qe janë fqinje me njëra tjetrën. Policia ka ndërhyrë për të qetësuar familjarët e 33-vjeçarit Brako, që u gjet pajetë në kanalin pranë shtëpisë, të enjten e kaluar. Trupi i pajetë I 33-vjeçarit Branko Shkoza, u gjet më 4 dhjetor në kanalin e ujërave të zeza në lagjen numër 15 të qytetit. Për zhdukjen e 33 vjeçarit, policia kishte marrë një kallëzim nga babai i tij. Ngjarja u raportua fillimisht si vdekje aksidentale, pasi në trupin e viktimës nuk u konstatuan shenja dhune, por hetimet e mëvonshme, sipas policisë, provuan se 33 vjeçari ishte shtyrë në kanal nga shoku i tij më 2 dhejtor.