Ish-kryetari i Kuvendit të Kosovës, Jakup Krasniqi, i cili po gjykohet në Hagë për krime lufte, është ndaluar të marri pjesë në seancë, për shkak të kravatës që kishte vendosur. Krasniqi u paraqit në seancën e mbajtur ditën e hënë me kravatën kuqezi, ku e kuqe ishte fusha e saj dhe me të zezë vizatuar shqiponja dykrenare. Por, sipas gjykatës speciale, simboli kombëtar shqiptar ishte i papranueshëm dhe urdhëroi largimin e Krasniqi nga seanca. Në lidhje me këtë, ka reaguar vajza e Krasniqit, Gresë Krasniqi. Në një postim në rrjetet sociale, ajo shprehet se babait të saj ‘mund t’ia zhveshin shqiponjën nga gjoksi, por kurrë nga zemra, madje duke e krahasuar atë me Mic Sokolin’. “Mic Sokoli me gjoksin e tij kishte pritur gjylen e topit sepse dëshira per çlirim dhe liri ishte më e madhe se jeta prej zvarraniku. Mic Sokolët sot, me gjoksin e tyre presin padrejtësitë e këtij shekulli ndonese mbi supet e tyre rëndojnë plagët e pa sheruara të një populli të shtypur e te vuajtur! Mic Sokoleve sot, nga gjoksi mund nga t’ia zhveshni shqiponjën, por kurrë nga zemra”, ka shkruar ajo.