Policia ka dalë me një deklaratë në lidhje me operacionin antiterror të ndërmarrë përgjatë ditës së hënë në fshatin Orosh të Bashkisë së Fushë Arrëzit, ku u arrestuan dy të kërkuarit, Juljan Çumrraku dhe Erzen Uka. Në njoftim, policia thotë se operacioni u përfundua me dorëzimin e dy personave falë ndërhyrjes së të afërmve të tyre, teksa pranon se gjatë rrethimit të banesës nga forcat RENEA, në drejtim të këtyre të fundit ka pasur të shtëna me armë.