Një 31 vjecar banues në Sarandë është arrestuar nga policia e Korcës, në kuadër të operacionit policor ‘Perimetri’. Ky shtetas u kap në flagrancë nga uniformat blu, pasi po transportonte 33 emigrantë të paligjshëm në drejtim të Tiranës, me mjetin kamion të markës "Benz". 31 vjecari u kishte premtuar këtyre të fundit, kalimin drejt vendëve të Bashkimit Europian, kundrejt një pagese. Materialet në lidhje me këtë shtetas i kaluan prokurorisë, për veprat penale "Ndihma për kalim të paligjshëm të kufijve" kryer në bashkëpunim dhe "Mosbindja ndaj urdhrit të punonjësit të policisë së rendit publik". Gjithashtu në pranga u vendos edhe një 53 vjecar, banues në Elbasan. Ky shtetas, ishte shpallur në kërkim në lidhje me ngjarjen e ndodhur më datë 10 gusht të këtij vitit, në fshatin Kalivaç, Pogradec. Ky shtetas, ndihmoi dikë tjerër për të bërë të mundur kalimin e 5 emigrantëve të paligjshëm. 53 vjecari nuk iu bind urdhit të policisë për të ndaluar, për pasojë u arrestua kete te shtune nga policia. Materialet në ngarkim të tyre i kaluan Prokurorisë së Rrethit Gjyqësor Pogradec për veprime të mëtejshme hetimore.