Policia rrugore ka vijuar kontrollet intensive në Bypassin e Fierit, për të bërë të mundur parandalimin e ngjarjeve të rrezikshme rrugore. Për pasojë, gjatë 48 orëve të fundit, uniformat blu kanë ndëshkuar 71 drejtues mjetesh me masa të rënda administrative. 32 prej tyre janë gjobitur me e vlerë nga 30.000 deri në 40.000 lekë të rinj, pasi drejtuesit e mjeteve ishin rezident në një nga shtetet e BE-së. Ndërsa 39 të tjerë me vlerë nga 2.000 deri në 4.000 lekë të rinj, për shpejtësi më shumë se norma e lejuar. Nderkohe, gjatë 48 orëve të fundit monitorim me radar në Bypass-in e Fierit, shërbimet e policise, kanë konstatuar shpejtësi që varionin nga 142 km/h deri në 181 km/h, ku si rezultat janë pezulluar 54 leje drejtimi nga 1 deri në 3 muaj, zbritje 3 pikë nga leja e drejtimit dhe masë administrative nga 5.000 deri në 15.000 lekë të rinj. Policia e Shtetit apelon të gjithë drejtuesit e automjeteve, të zbatojnë sinjalistikën rrugore, pasi në të gjitha rrugët e vendit ka police, të pajisur me dronë, radare, kamera, e aparatë fotografik.