Policia Rrugore e kryeqytetit vijon kontrollet për të parandaluar aksidentet rrugore që vijnë si pasojë e shpejtësisë mbi normat e lejuara dhe në të gjitha rrugët e kryeqytetit me alkooltestues, për të evidentuar dhe ndëshkuar ata drejtues mjetesh që drejtojnë mjetin nën ndikimin e alkoolit apo më keq akoma në gjendje të dehur. Edhe gjatë mbrëmjes së të shtunës dhe orëve të para të mëngjesit të së dielës, pavarësisht kontrolleve të shtuara në këto akse, përsëri janë evidentuar shumë drejtues mjetesh të cilet vijojnë të shkelin rregullat dhe të abuzojnë me shpejtësinë, alkoolin duke rrezikuar jetën e tyre dhe të përdoruesve të tjerë të rrugës. Kështu janë evidentuar nga kontrolli me radar 14 drejtues mjetesh që qarkullonin me shpejtësi mbi normat e lejuara, shpejtësi që varionin nga 139 km/h deri 176 km/h. Policia rrugore ka vendosur 46 gjoba për tejkalimin e limiteve të shpejtësisë.