Ka përfunduar procesi zgjedhor në Kosovë dhe tashmë të gjitha qendrat e votimit janë mbyllur. Qytetarët në zgjedhjet lokale votuan për të zgjedhur kryetarët e rinj dhe përbërjet e reja të asambleve komunale për 38 komunat e Kosovës. Kryetari i KQZ-së, Kreshnik Radoniqi ka bërë me dije se pjesëmarrja e qytetarëve në zgjedhje deri në orën 19:00 ka qenë 43% ose ndryshe 770 mijë e 117 votues morën pjesë në votime. Ai shtoi se në zgjedhjet lokale të vitit 2017, deri në të njëjtën kohë kishin votuar 822 mijë 484 votues 43.5% . Pra statistikisht ka një rënie të vogël të numrit të votuesve, e cila mendohet të jetë për shkak të periudhës së pandemisë. Radoniqi gjithashtu ka theksuar se ka filluar procesi i numërimit të fletëvotimeve dhe se nga ora 19:00 ka filluar afati 24 orësh për paraqitje të ankesave në PZAP. Nga të dhënagt deri tani, më I votuari është Arben Vitia i Lëvizjes Vetëvendosje me 44.5 %, më pas Uran Ismaili, Partia Demokratike e Kosovës 20.9 % . I ndjekur nga Përparim Rama, Lidhja Demokratike e Kosovës me 26.5 % dhe Daut Haradinaj, Aleanca për Ardhmërinë e Kosovës me 2.2 %.