Përfundojnë hetimet për tragjedinë në Koçan të Maqedonisë së Veriut, ku humbën jetën 62 personave dhe u lënduan rreth 200 të tjerë. Ekipi prej 13 prokurorëve, mësohet se nuk kanë gjetur prova për vepër tjetër penale, përveç asaj për “vepra të rënda kundër sigurisë së përgjithshme”. Prokuroria njoftoi se deri tani janë dëgjuar rreth 400 dëshmitarë. Në 15 ditët e ardhshme, mbrojtja e të dyshuarve mund të dorëzojë prova të cilat do të analizohen dhe vlerësohen nga Prokuroria. Harku kohor i hetimit, përfshin periudhën prej vitit 2012 kur është hapur diskoteka e deri në mëngjesin e 16 marsit të këtij viti, kur ndodhi tragjedia. Gjithsej deri më tani nën hetim janë 59 persona dhe 3 juristë. Shumica e të dyshuarve, po ndiqen për veprën penale “Vepra të rënda kundër sigurisë së përgjithshme” për të cilën parashikohet dënim me burg prej së paku 3 vjet.