Një grup i strukturuar kriminal, i dyshuar për dhjetëra vjedhje në zonën e Torinos, është zbuluar nga autoritetet italiane. Policia ka përfunduar hetimet për tetë persona, shumica prej të cilëve me origjinë shqiptare, ndërsa disa ndodhen tashmë në burg në Torino për vepra të tjera penale. Të hetuarit akuzohen për pjesëmarrje në një organizatë kriminale të përfshirë në 68 raste vjedhjesh dhe pastrim të mallrave të vjedhura, të kryera nga janari 2024 deri në mars 2025. Sipas hetuesve, banda kishte një strukturë të mirëorganizuar dhe hierarkike, me makina të regjistruara në emra të tretë për të shmangur gjurmimin dhe bashkëpunëtorë të caktuar për ruajtjen e sendeve të vjedhura. Gjatë një prej grabitjeve të fundit, një pjesë e grupit u kap në flagrancë nga karabinierët italianë dhe u vu menjëherë në pranga. Hetimet vijojnë për të identifikuar të gjithë pjesëmarrësit dhe rastet e tjera të mundshme