Prokuroria e Posaçme mbylli hetimet dhe dërgoi për gjykim dosjen në ngarkim të dy shtetasve shqiptarë, që akuzohen si drejtuesit e një rrjeti trafiku kokainë, heroine dhe hashashi me aktivitet kryesor në Zvicër. Bëhet fjalë për dosjen ndaj Gëzim Bakallit, njohur edhe me emrin Shkembim Cërmanji dhe Erjon Locit. Ata akuzohen për trafik ndërkombëtar droge të kryer në bashkëpunim. Sipas hetimeve, që SPAK njofton se janë realizuar në bashkëpunim me autoritetet e drejtësisë zvicerane, Gëzim Bakalli rezulton drejtues i një grupi të strukturuar të trafikut të drogës drejt Zvicrës në të paktën 15 raste, ndërsa Erjon Loci bashkëpunëtor i tij.