Gjykata e Pejës ka lënë në burg Avni Ademajn, vëllain e kandidatit të PDK-së për zgjedhjet lokale që mbeti i vrarë mbrëmjes e së mërkuës gjatë një shkembimi zjarri në mabinette e një lokali. Avni Ademaj akuzohet për vrasjen e kandidatit tjetër të PDK-së, Blerand Kadriajn. Ademaj ishte kandidat i Partisë Demokratike të Kosovës për kryetar të Pejës në zgjedhjet e tetorit, ndërsa Kadrijaj ka qenë kandidat i PDK-së për kryetar të Deçanit në zgjedhjet e vitit 2017. Pas seancës për masën e sigurisë Gjykata e Pejës ka dhënë detaje të tjera lidhur me ngjarjen. Sipas njoftimit, të mërkurën, rreth orës 20:15, Blerand Kadrijaj bashkë me një person tjeter kishin shkuar në një lokal për t’u takuar me Astrit Ademajn, që ishte bashkë me të vëllanë. Më tej, dy viktimat kishin nisur të debatonin, por situata agravoi më tej ku ata nxorën armët dhe për një moment i pandehuri Avni Ademaj ia ka marrë armën të vëllait dhe ka qëlluar drejt Blerand Kadrijajt. Në të njëjtën kohë, Kadrijaj ka shtënë në drejtim të vëllezërve Ademaj. Si pasojë e të shtënave, ndërruan jetë Kadrijaj dhe Astrit Ademaj. Avni Ademaj ka marrë lëndime dorën e majtë.