Ministria e Arsimit ka publikuar datat e provimeve të maturës shtetërore për vitin 2023. Si cdo vit, edhe vitin e ardhshëm provimi i gjuhës së huaj do të zhvillohet i pari. Ministria e Arsimit ka caktuar datën 1 qershor për testin e gjuhës së huaj. Data 7 qershor u caktua për zhvillimin e testit të gjuhës shqipe, 13 qershori për provimin e Matematikës, ndërsa data 19 qershor do të presë në bankat e shkollës të gjithë nxënësit për testin e lëndëve me zgjedhje. Lajmi u dha nga vetë ministrja e arsimit Evis Kushi, e cila në përmbyllje të këtij 3 mujori, ishte në Korcë në një takim me maturanët dhe mësuesit. Në një postim në rrjetet sociale, Kushi shkroi se sëbashku me maturantët dhe mësuesit diskutuan mbi rregulloren e sapomiratuar të Maturës Shtetërore, ku edhe prezantoi datat e provimeve. Në datën 31 dhjetor do të publikohet fondi i pyetjeve për provimin e informatizuar për të gjithë ata që duan të studiojnë në programin "Mjekësi e Përgjithshme", provim i cili do të zhvillohet në muajin gusht, shtoi më tej Kushi. Kujtojmë se 861 maturantë ngelën në provimin e gjuhës së huaj në muajin qershor të këtij viti. Në testin e gjuhës shqipe dhe Letërsisë, ngelës ishin 383 maturantë, ndërsa në provimin e Matematikës ngelën 1 mijë e 729 maturantë.