Drejtuesja e prokurorisë së Tiranës, Elisabeta Imeraj e ka cilësuar të sukseshëm operacionin e finalizuar ku në pranga ranë disa shtetas të huaj, që ishin pjesë e një skeme mashtrimi kompjuterik. Operacioni i koduar “PHISHING”, prangosi 4 shtetas, 8 të tjerë u shpallën në kërkim, procedohet penalisht 1 tjetër. Imeraj bëri të ditur bëri të se ky operacion u realizua nga Prokuroria e Tiranës në bashkëpunim me strukturat e Policisë së Shtetit, qendrore dhe vendore, të Tiranës. Deri më tani dyshohet se këta shtetas kanë ushtruar aktivitetin e tyre kriminal për një periudhë të gjatë kohore prej rreth 2 vjetësh dhe së bashku me shtetas të paidentifikuar jashtë territorit të Shqipërisë mund të kenë kryer mashtrime të pagesës nëpërmjet postës elektronike në një shumë prej rreth 4.000.000 eurosh.