Krimi ekonomik dhe financiar në Elbasan, nën drejtimin e Prokurorisë, ka finalizuar operacionin policor ‘Last time’, duke vënë në pranga një 39-vjeçar të identifikuar si E.K., I cili përmes mashtrimit I kishte marrë një shtetasi disa herë shuma parash. Policia bën me dije se operacioni policor ka nisur pas kallëzimit nga shtetasi me iniciale D.T. se E.K. I kishte marrë shuma parash, me anë të mashtrimit. Uniformat blu të Elbasanit bëjnë me dije se 39vjeçari, me banim në Tiranë është arrestuar pas disa javësh hetime, për veprën penale “Mashtrimi”, kryer më shumë se një herë. Nga hetimet rezulton se 39-vjeçari i ka marrë disa here 7.5 milionë lekë shtetasit me iniciale D. T. duke e mashtruar se do t’i kryente disa punime, në banesë. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.