Prej dy javësh në kuadër të planit të masave për sezonin turistik veror forcat policore janë angazhuar në terren për të parandaluar ndotjen akustike dhe mjedisore, për të liruar hapësirat publike të zëna në mënyrë të paligjshme dhe për të garantuar sigurinë në plazhe. Gjatë operacioneve në territorin bregdetar janë evidentuar 16 raste të shkeljes së perimetrit të sigurisë në det nga Velipoja në Ksamil. Si rezultat janë bllokuar 16 mjete lundruese, ndërsa drejtuesit janë ndëshkuar me gjobë prej 100 mijë lekësh secili.