Prokuroria e Posaçme Kundër Korrupsionit dhe Krimit të Organizuar ka caktuar masën e sigurise arrest me burg për dy punonjësit e policisë, të cilët lanë të lirë një shtetas të dënuar me 10 vjet e 6 muaj burg në këmbim të 10 mijë eurove. Viktor Buça, dhe Gëzim Lluka, punonjës të Forcës Operacionale në Drejtorinë e Policisë Durrës, më datë 10 gusht të vitit 2021 pasi janë vënë në dijeni për vendndodhjen e të kërkurit Alfred Mikeli, e kanë marrë atë me automejtin e tyre të punës dhe kanë negociuar për ta lënë atë të lirë në këmbim të 10 mijë eurove. Në bazë të kërkesës së SPAK, gjykata caktoi masën e sigurisë “Arrest në burg”, ndaj punonjësve të policies, si persona të dyshuar për kryerjen e veprës penale të “Korrupsionit pasiv të personave që ushtrojnë funksione publike”, e kryer në bashkëpunim. Masa e sigurimit u përcaktua këtë të hënë nga Shërbimi i Çështjeve të Brendshme dhe Ankesave.