Shtetet e Bashkuara njoftuan arritjen e një marrëveshje me Ukrainën dhe Rusinë për garantimin e lëvizjes së lirë të anijeve tregtare në detin e zi, si dhe për të frenuar sulmet ndaj objekteve të energjisë në të dy vendet. Shtëpia e Bardhë tha se marrëveshjet do t’i rikthejnë Moskës qasjen në tregjet globale për eksportet e produkteve bujqësore, të cilat janë bllokuar prej nisjes së luftës. Marrëveshjet, nëse zbatohen, do të përbëjnë përparimin të madh drejt një armëpushimi më të gjerë që Uashingtoni e konsideron shumë të rëndësishëm në bisedimet për paqe. Kjo pasi do ti jepnin fund luftës trevjeçare mes Rusisë e Ukrainës. por pavarësisht këtyre hapave pozitivë, Kremlini vijon të akuzojë presidentin Zelensky, duke theksuar se nuk do të nënshkruaj marrëveshjen për detin e Zi nëse Uashingtoni i lëshon “urdhër” atij për ta respektuar ujdinë. “Neve na duhen garanci të qarta. Marrë parasysh përvojën e hidhur të marrëveshjeve vetëm me Kievin, garancitë mund të jenë vetëm rezultat i një urdhri prej Uashingtonit ndaj Zelenskyt dhe ekipit të tij që të bëjë një gjë dhe jo një tjetër”, tha ministri i Jashtëm rus, Sergei Lavrov. Ndërkohë nga ana tjetër Ministri ukrainas i Mbrojtjes, Rustem Umerov, deklaroi se Kievi është pajtuar me marrëveshjet, dhe që do t'i mirëpresë shtetet e treta që të mbështesin zbatimin e tyre. palët ranë dakord pas takimeve që zhvilluan në Riad.