Kryeministri kanadez Mark Carney tha se marrëdhënia e vjetër e Kanadasë me Shtetet e Bashkuara, "bazuar në integrimin e thelluar të ekonomive tona dhe bashkëpunimin e ngushtë të sigurisë dhe ushtarake, ka përfunduar". Duke folur për gazetarët në Otava pas një takimi të kabinetit, Carney tha se kanadezët duhet "të riimagjinojnë rrënjësisht ekonominë tonë" përballë tarifave të presidentit amerikan Donald Trump. Ai tha se Kanadaja do të përgjigjet me tarifa hakmarrëse që do të kenë "ndikim maksimal" në SHBA. Trump njoftoi të mërkurën se do të vendoste një taksë prej 25 për qindësh për automjetet e importuara, duke deklaruar: "Kjo është e përhershme". Kryeministri kanadez tha se vendi tani duhet të ndërtojë një ekonomi që ta kontrollojnë kanadezët, tha ai, dhe kjo do të përfshinte rimendimin e marrëdhënieve tregtare me partnerët e tjerë.