Vakancat e krijuara në radhët e policisë së burgjeve, do të rregullohen me disa ndryshime në ligj. Ministri i Drejtësisë, Ulsi Manja sqaroi se do të hiqet kufizimi i moshës si dhe do të mund të bëhen pjesë e policisë së burgjve, efektivët e larguar apo pjesë e strukturave të tjera policore dhe ushtarake. “Kemi një numër shumë të madh vakancash. Heqim kufirin e moshës deri në 35-vjeç për tu bërë pjesë e policisë së burgjeve. Gjithashtu hapim një dritare për pranim në policinë e burgjeve të të larguarave, apo edhe që vijnë nga struktura të tjera ushtarake apo policore që plotësojnë kushtet. Kemi rregulluar edhe sistemin e gradave, të ulëta dhe të mesme. Punonjësve të Policisë së Burgjeve nuk do t’i lejohet përdorimi jashtë orarit të punës si dhe rregullat për përdorimin e armëve neuro neutralizuese.”