Për herë të tretë socialistët vendosën të mos e kalojnë në Gjykatën Kushtetuese mandatin e Olta Xhaçkës. Në ndryshim nga herët e kaluara, kësaj here deputetët e PS zgjodhën të abstenonin. Gjatë orëve të vona të mesnatës të së entjes, projektvendimi u rrëzua me 25 vota pro, 9 kundër, 65 abstenim. Përfundimi edhe kësaj here mbeti I njëjtë pavarësisht konkludimit të dhënë nga Gjykata Kushtetuese që theksoi se fuqia e vendimeve të saj është e barabartë me fuqinë e ligjit. Opozita kërkon që ish ministres së Jashtme t’i hiqet mandati pasi është në konflikt interesi pasi bashkëshorti i saj Artan Gaçi ka përfituar statusin e investitorit strategjik. Për këtë pretendim 14 deputetë demokratë iu drejtuan në muajin qershor të vitit 2022 parlamentit duke kërkuar përfundimin e mandatit. një mocion I ngjashëm u paraqit dhe nga deputetë të tjerë të opozitës. Ndërkohë vetë Olta Xhaçka ka këmbëngulur se nuk ka përfituar asnjë lek nga fondet publike. Por edhe pse parlamenti I rrëzoi këto kërkesa, demokratët iu drejtuan gjykatë Kushtetuese e cila i dha të drejtë 1 të dhjetës së deputetëve duke rrëzuar vendimin e parlamentit dhe duke vlerësuar se çështja duhej trajtuar prej saj dhe jo nga Kuvendi. Ndërsa rrëzoi kërkesën tjetër. Por sot mbetet ende e paqartë se si do të veprohet me këtë çështje. Ndërkohë kryetarja e Kuvendit Elisa Spiropali u shpreh pas votimit se do t’I drejtohej Komisionit të Venecias për interpretimin e kësaj situate që ka vendosur përballë Parlamentin dhe Kushtetuesen.