Radio Televizioni publik në Malin e Zi ka ngritur alarmin se tonelata kanabisi po futen ne territor përmes rrugëve tokësore dhe ujore nga Shkodra. Në një artikull të gjatë, media malazeze ndalet në një aksion të zhvilluar pak ditë më parë në fshatin Zbelj të Tuzit ku u ndalua një automjet që po ecte me shpejtësi tej normave ndërsa gjatë kontrolleve u gjetën 95 pako me marijuanë, e ardhur nga Shqipëria. Në artikull thuhet se trafikantët po përdorin një numër të madh rrugësh për të hyrë kaluar ilegalisht drogën. “midis Malit të Zi dhe Shqipërisë, në atë zonë, ka disa kalime të paligjshme që janë pothuajse të panjohura për qytetarët e zakonshëm, por janë shumë të njohura për kontrabandistët dhe kontrabandistët e ndryshëm. Një nga këto rrugë të çon drejtpërdrejt përmes Liqenit të Shkodrës, nga fshati shqiptar i Zogajt deri në Mali Ostros”, thuhet në artikull duke i referuar një dëshmitari i cili sqaron se rruga nga Bajza dhe Alaja, ose Shkodra, gjithashtu kalon përmes Liqenit të Shkodrës dhe përfundon në Golubovci.“Mund të udhëtoni me makinë nga Shqipëria në Mal të Zi edhe nëpërmjet rrugës nga Zogaj -Valas, dhe përtej pikës kufitare nga Shqipëria në Tuz, ka një rrugë nga Shkodra nëpërmjet Kopilikut. Me siguri ka edhe disa kalime të tjera të paligjshme në këtë segment që vetëm kontrabandistët i dinë”, vijon atikulli që jep detaje se pranë Ulqinit, ekziston një rrugë ilegale nga qyteti shqiptar Velipoje që të çon në Donji Štoj. “Kalimi kufitar i Sukobinit anashkalohet në qytetet shqiptare të Shasit dhe Dajcit. Këto janë dy kalime të paligjshme shumë të njohura. Nga Shqipëria, më në veri, mund të arrini në Guci nëpërmjet rrugëve të paligjshme në vetëm dy vende”, thuhet në artikull që e cilëson Shqipërinë si një nga prodhuesit më të mëdhenj të marijuanës dhe që shet çdo vit vetëm në Ballkan 117 tonë drogë.