Mali i Zi dhe Serbia konsiderohen si vende udhëheqëse në procesin e anëtarësimit në Bashkimin Evropian, por sipas rrethanave aktuale, vetëm Mali i Zi mund të shpresojë për anëtarësim të plotë deri në fund të kësaj dekade. BE e ka vlerësuar pozitivisht sipas raportit të Vlerësimit të Standardeve, ndërsa Serbia vazhdon të mos u bashkohet sanksioneve të bllokut kundër Rusisë, për shkak të pushtimit të Ukrainës. Sipas Brukselit në këto kushte, Mali I zi shihet si anëtar i parë i ardhshëm i BE-së. Mali i Zi i ka hapur negociatat për anëtarësim në qershor të vitit 2012, ndërsa Serbia në janar të vitit 2014, ndëesa fazat për në procesin e anëtarësimit, janë të ndryshme. Negociatat mes Beogradit dhe Brukselit janë praktikisht të ngrira tash e tre vjet, për shkak të mosvendosjes së sanksioneve kundër Rusisë.