Dy persona u plagosën në një aksident rrugor në Bulqizë. Aksidenti ndodhi në vendin e quajtur Ura e Vocit, ku dy makina u përplasën mes tyre. Goditja ishte e fortë. Si pasojë një nga mjetet doli nga rruga dhe u përmbys. Ndërkohë plagë të shumta në trup morën shoferët të cilët u transportuan me urgjencë drejt spitalit për ndihmë mjekësore. Kanë qenë kalimtarë të rastit ata që kanë konstatuar aksidenti dhe që më pas kanë njoftuar autoritetet. Ende nuk dihet shkaku, por paraprakisht dyshohet shpejtësia e lartë dhe parakalimi I gabuar.