Një aksident i rëndë është regjistruar në orët e para të mëngjesit të kësaj të diele në Peqin, ku si pasojë kanë humbur jetën 2 persona. Sipas autoriteteve policore, aksidenti i rëndë është shënuar rreth orës 2 të mëngjesit, ku makina me të cilën po udhëtonin dy të rinj, ka dalë nga kontrolli, duke u përplasur me shkallët e një banese. Në automjetin e aksidentuar ndodheshin Gabriel Lluca dhe Denis Korbi të dy 24 vjeç, të cilët kanë mbetur të vdekur në vendin e ngjarjes.