Një makinë u përplas me një turmë njerëzish jashtë një klubi nate në Los Angeles në orët e para të së shtunës, duke plagosur të paktën 30 persona, përpara se shoferi të sulmohej nga kalimtarët dhe të qëllohej me armë, thanë departamentet e policisë dhe zjarrfikësve të qytetit. Të paktën shtatë persona janë në gjendje kritike dhe gjashtë të tjerë u plagosën rëndë, tha departamenti i zjarrfikësve në një deklaratë. Incidenti, i cili ndodhi jashtë një klubi të quajtur The Vermont, ndodhi pak para orës 2 të mëngjesit sipas orës lokale, thanë departamentet e zjarrfikësve dhe të policisë. Kapiteni Adam VanGerpen, një zëdhënës i departamentit të zjarrfikësve, u citua nga ABC Neës të thoshte se makina me sa duket fillimisht u përplas me një kamion jashtë klubit dhe më pas kaloi përmes një kioske shërbimi duke iu drejtuar një grupi të madh njerëzish. Departamenti i Policisë së Los Angeles tha në platformën X se ende po hetonte pse shoferi u përplas me turmën.