Një aksident i rëndë ak ndodhur në aksin Prrenjas-Qafë Thanë ku 6 persona kanë mbetur të plagosur, ku mes tyre një vajzë 23-vjecare në gjendje kome, në rrezik për jetën. Të 6 anëtarët e familjes kishin ndaluar në ambientet e një lokali, rreth 30 m larg rrugës. Ndërsa kanë qenë jashte mjetit të tyre, një tjetër automjet ka dalë nga rruga duke humbur kontrollin dhe ka ‘fluturuar’ mbi ta. Për pasojë, 23 vjecarja që e ka zënë mjeti poshtë ndodhet në gjendje kome në rrezik për jetën, vajza tjetër 10 vjeçe ka thyer këmbën e po ashtu fraktura ka pësuar dhe vajza 6 vjeçare, të treja motra. Po ashtu, të dëmtuar kanë mbetur gjyshja dhe i ati i vajzave. Sakaq, mësohet se 44 vjeçari që shkaktoi aksidentin ishte banues në Peshkopi dhe po ndiqet në gjendje të lirë. Sipas dëshmitarëve në vendin e ngjarjes, 44 vjeçari ka humbur kontrollin pas një parakalimi të gabuar dhe më pas ka fluturuar jashtë rruge.