Mafia turke ka sulmuar pasditen e të martës në Selanik, disa oficerë të Shërbimit Sekret grek. Ngjarja sipas mediave greke ndodhi rreth orës 16:00, brenda një stacion karburanti. Oficerët e sulmuar ishin drejtues të Shërbimit Informativ Kombëtar grek, të cilët u përballën me të shtëna me armë zjarri në drejtim të tyre nga një automjet i blinduar. Nga hetimet, mesohet në automjetin e blinduar ndodheshin tre personazhe të botë së krimit me origjinë nga Turqia. Sipas medias greke, tre turqit ndaluan në stacionin e karburantit për t’u furnizuar me benzinë për automjetin e tyre, dhe aty kanë vënë rë një automjet të Shërbimit Informativ Kombëtar, që gjithashtu ndaloi pak më tutje. Pas kësaj, turqit kanë nisur të shtënat e zjarrit ndaj oficerëve dhe më pas janë larguar me automjetin e tyre në drejtim të paditur. Fatmirësisht nga ngjarja nuk ka pasur të lënduar.