Trupat britanike janë bashkuar në një stërvitje të madhe në kufirin e NATO-s me Rusinë, ndërsa ushtarët finlandezë përgatiten të mbrojnë vendin e tyre. Ushtarët britanikë me bazë në Edinburg qëndruan plotë gjashtë javë duke u stërvitur në Arktik, në temperatura deri në -28 gradë Celsius. Më pas ata u bashkuan me 3,000 rekrutë, rezervistë dhe ushtarë të rregullt nga ushtria finlandeze në Vuosanka, vetëm rreth 30 km larg nga rusia. Lufta në Ukrainë ka ngritur shqetësime në Finlandë për një pushtim të mundshëm rus atje. Kontingjenti britanik në përfundim të stërvitjeve, tha se ishte impresionuar nga aftësitë e mikpritësve të tyre në mot të ftohtë dhe se ishin të vetëdijshëm se sa seriozisht po përgatiteshin finlandezët për një skenar të zymtë lufte. Majori Henry Ëootton, që udhëhiqte kompaninë britanike tha se trupat britanike kishin mësuar sfidat e një zhytjeje në ujë nën zero gradë, mbijetesën në minus 28 gradë Celsius dhe luftën përkrah trupave vullnetare të motivuara.