Numri i faqeve në internet që përhapin dezinformata për Rusinë dhe Ukrainën, është më shumë se dyfishuar që nga fillimi i pushtimit rus në Ukrainë, në shkurt të këtij viti. Kështu është thënë në raportin e grupit me bazë në Nju Jork, NeësGuard. Sipas raportit, ekspertët e grupit kanë identifikuar 250 faqe interneti që kanë publikuar materiale dezinformuese për këto dy vende, në krahasim me 116 që ishin ato në muajin mars. Në raport thuhet se platformat si, Google, Tëitter, Facebook dhe TikTok, kanë vendosur “në disa shtete masa të përkohshme kundër platformave të propagandës ruse sic janë RT dhe Sputnik, pasi Komisioni Evropian ua ka ndaluar transmetimin këtyre dy mediave të financuara nga Kremlini”. Megjithatë, sipas raportit, “një numër i madh i faqeve tjera të identifikuara nga NeësGuard shpërndajnë lirshëm mite në internet”.