Luftimet po vazhdojnë në ishullin e gjarprit në Ukrainë- tha ministria britanike e mbrojtjes në buletinin e saj të përditshëm të luftës. “Luftimet vazhdojnë në ishullin Zmiinyi, i njohur ndryshe si Ishulli i Gjarprit, me rusinë që në vazhdimësi përpiqet të përforcojë garnizonin e saj të ekspozuar që ka vendosur atje- thanë zyrtarët. “Ukraina me sukses ka goditur mbrojtjen ajrore ruse dhe anijet e furnizimit përmes dronëve Bajraktar. Mjetet e furnizimit të rusisë kanë mbrojtje minimale në detin e zi pas tërheqjes së marinës ruse në Krime që pasoi fundosjen e luftanijes Moskva. Përpjekjet aktuale të rusisë për të përforcuar trupat e saj në ishull i japin ukrainës më shumë mundësi për të sulmuar trupat ruse dhe mjetet e tjera. Nëse rusia konsolidon pozicionin e saj në ishullin Zmiinyi, me mbrojtje ajrore strategjike dhe raketa kruiz për sigurimin e bregut, atëherë ajo mund të dominojë pjesën veri perëndimore të detit të zi”, thuhet në buletin. Ishulli i Gjarprit është bërë i famshëm tashmë që prej episodit heroik të mbrojtësve ukrainas të tij, në ditën e parë të pushtimit rus, kur ata iu përgjigjën luftanijes ruse që u kërkoi të dorëzohej me frazën: Luftanije ruse, shko në djall!