Ligjvënësit ukrainas kanë miratuar masa të ashpra që kufizojnë pavarësinë e Byrosë Kombëtare Kundër Korrupsionit dhe Zyrës së Prokurorit Special kundër Korrupsionit duke shkaktuar shqetësime mbi angazhimin e shtetit për luftën kundër korrupsionit. Me 263 vota pro në Parlamentin prej 450 ulësesh, ligji i propozuar nga Partia e Presidentit Volodymyr Zelensky i jep Prokurorit të Përgjithshëm kontroll të drejtpërdrejtë mbi Zyrën e Prokurorit të Specializuar Kundër Korrupsionit, dhe të drejtën për të mbyllur raste që përfshijnë zyrtarë të lartë apo për të transferuar hetimet e Byrosë Kombëtare Kundër Korrupsionit tek agjenci të tjera. Transparency International Ukrainë ka dënuar këtë veprim si një goditje ndaj institucioneve të pavarura anti-korrupsion dhe një rënie të besimit ndërkombëtar në vend.