Teksa Rusia dhe Ukraina po përgatiten për atë që mund të jetë beteja më e madhe e tankeve në Evropë që nga Lufta e Dytë Botërore, e ardhmja e luftës së nisur nga Vladimir Putin mbetet e pamundur të parashikohet. Mobilizimi i tankeve dhe artilerisë në shkallë të gjerë në Ukrainën Lindore mund ta favorizojë Moskën, dhe pesha e madhe e makinerisë ushtarake ruse, mund t’i sjellë përfitime territoriale. Në një artikull të ‘The Wall Street Journal” thuhet se skenari më i keq për Putinin, do të ishte që lufta e Rusisë në Ukrainë të përfundonte me një disfatë ushtarake gjithëpërfshirëse, me rënien e enklavave pro-ruse në Donbas dhe Moldavi, si dhe me integrimin e Ukrainës në Perëndim. Dikur, për carët Moska ishte “Roma e tretë”, që do të udhëhiqte Krishterimin dhe qytetërimin, pasi Roma e parë ra në duart e pushtuesve barbarë, dhe Roma e dytë, Kostandinopoja, ra në duart e turqve.