Kuvendi I Kosovës ka miratuar këtë të premte rezolutën e propozuar nga PDK për mbrojtjen e së vërtetës historike dhe dinjitetit të viktimave të luftës në Kosovë. Rezoluta u miratua me 90 vota pro, asnjë kundër dhe asnjë abstenim. Partia Demokratike e Kosovës deklaroi se e mirëpret miratimin e rezolutës, ndërsa theksoi se miratimi I saj dëshmoi edhe njëherë se për çështjet që lidhen me sakrificën dhe historinë kombëtare mund dhe duhet të ketë unitet të plotë institucional. PDK vlerëson se ky është një moment i rëndësishëm reflektimi dhe përgjegjësie politike, ku Kuvendi i Kosovës u ngrit mbi dallimet partiake për të mbrojtur të vërtetën historike dhe për të nderuar me dinjitet viktimat e luftës.