Oficeri më i lartë i policisë në Britani tha të hënën se shkalla e vrasjeve në Londër ka rënë në nivelin më të ulët për më shumë se një dekadë, duke treguar se qyteti po bëhet më i sigurt, pavarësisht deklaratave të Presidentit amerikan Donald Trump mbi krimin e dhunshëm në kryeqytet. Mark Roëley, komisioner i Policisë Metropolitane të Londrës, tha se shkalla e vrasjeve në Londër ishte në nivelin më të ulët historik dhe se qyteti ishte më i sigurt se Los Angeles dhe Neë York, si dhe shumë kryeqytete të tjera evropiane. Roëley tha se krimi i rëndë, i dhunshëm, në Londër po binte, sipas të dhënave. "Pavarësisht pretendimeve që qarkullojnë në internet, duke përfshirë video të gjeneruara nga inteligjenca artificiale që krijojnë skenarë të dhunshëm fiktivë, disa komentues promovojnë një narrativë që u përshtatet atyre, pavarësisht se faktet tregojnë një histori shumë të ndryshme", tha ai për gazetën The Times. Trump kishte sugjeruar në nëntor se kishte zona "të ndaluara" për policinë në Londër dhe akuzoi kryebashkiakun Sadiq Khan se "e ka lënë krimin të lirë". Presidenti amerikan ka qenë kritik ndaj Khan për vite me radhë. "Shikoni krimin në Londër," i tha Trump transmetuesit britanik GB Neës në nëntor. "Sot keni njerëz që goditen me thikë në prapanicë ose më keq".