Aplikaconi Tik Tok prej disa kohësh po përballet me padi të shumta, ku disa prindër kanë ngritur alarmin se disa lojëra që reklamohen në këtë platformë, rrezikojnë jetën e fëmijëve dhe në disa raste kanë marrë edhe jetën e tyre. Së fundmi, nëna e një 12 vjecari, i cili humbi jetën në muajin prill, pasi u vetëvar me një litar në dhomën e tij duke luajtur lojën online të qujtur ‘blackout challenge’ (Sfida e të fikëtit|), ka akuzuar rrjetet sociale, për mungesën e monitorimit dhe te sigurisë ndaj fëmijëve. Sipas 46 vjecres Hollie Dance 82 fëmijë të tjerë kanë patur të njëjtin fat me vogëlushin e saj, ndërsa ky numër mund të rrete edhe më shumë nëse nuk ka ndërgjegjësim nga këto aplikacione dhe nëse fëmijët nuk do të monitorohen, të paktën në rastet kur u shfaqet një lojë e tillë. Ajo u kërkoi aplikacioneve si Tik Tok, Instagram dhe Facebook të vepronin kundët këtyre sfidave manipuluese, ku në mesin e një zinxhiri sfidash të vështira, fëmijëve u kërkohet të shtrengojnë qafën e tyre me dicka derisa ato të humbasin ndjenjat.