Rreth orës 5:30 të mëngjësit të së dielës, policia serbe ka larguar protestuesit që kishin bllokuar dy stacione hekurudhore në qendër të Beogradit, qysh prej mbrëmjes së të shtunës. Ata bllokuan stacionet hekurudhore “Beograd qendër – Prokop” dhe “Novi Beograd”, pasi zhvilluan një protestë në qendër të kryeqytetit serb, kundër planeve për hapjen e minierës së litiumit. Sipas dëshmisë së një protestuesei, policia përdori mburojat për të larguar protestuesit nga stacioni. Ministria e Punëve të Brendshme tha se “në përputhje me ligjet e vendit”, janë marrë masat për rikthimin e trafikut hekurudhor. Mes tjerash, është bërë e ditur se policia ka nisur proces penal kundër të gjithë pjesëmarrësve, për pengim të trafikut publik ndërkombëtar dhe rrezik të sigurisë së qytetarëve. Në protestën e të shtunës, protestuesit fillimisht nisën një marshim përmes qendrës së qytetit dhe më pas u drejtuan nga ura Gazella