Gjykata e Posaçme e Apelit, kundër korrupsionit dhe Krimit të Organizuar ka lënë në burg Edmond Karriqin, prokurorin e Kukësit, i cili disa javë më parë u arrestua me urdhër të SPAK për korrupsion. Apeli i gjykatës së posaçme të shkallës së parë për korrupsionin dhe krimin e organizuar këtë të hënë ka refuzuar kërkesën e drejtuesit të prokurorisë së qytetit verilindor duke e lënë atë pas hekurave të paktën deri në përfundim të hetimeve. Prokuroria e Posaçme Kundër Korrupsionit dhe Krimit të Organizuar ka mbledhur prova konkrete, sipas të cilave rezulton se Edmond Karriqi ka kërkuar dhe ka marrë përfitime montare, me qëllim favorizimin e disa personave të cilët ishin nën hetim nga Prokuroria pranë Gjykatës së Shkallës së Parë të Kukësit. Sipas SPAK, Karriqi u vu në pranga pasi në këmbim të 2 mijë eurove ndryshoi masën e sigurisë për një person që e ka patur nën hetim, për drogë. Së bashku me Karriqin, SPAK urdhëroi arrestimin edhe të shoferit të tij Isuf Gega, dhe 2 personave të tjerë.