Shërbimet e Komisariatit të Policisë Kavajë kanë vijuar kontrollet përgjatë vijës në kuadër të plan-operacionit "Plazhi i lirë", me qëllim lirimin e hapësirave publike që zihen pa lejen përkatëse, nga subjektet në bregdet apo nga vetë pushuesit, duke vënë çadra dhe shezlongë. Gjatë kontrolleve, në 2 hapësira publike në bregdetin e Golemit, u hoqën dhe u sekuestruan 190 komplete me çadra dhe shezlongë, që ishin vënë në mënyrë të paligjshme, nga një shtetase që pretendonte se kishte leje për shfrytëzim dhe nga një qytetar. Policia njofton se u referuan materialet në Prokurori ku nisi procedimi në gjendje të lirë për shtetasen me iniciale L. S., banuese në Tiranë. Uniformat blu njoftojnë se kontrollet përgjatë bregdetare do të vijojnë, bregdetare, me qëllim lirimin e hapësirave publike, për pushuesit, dhe verifikimin e aktiviteteve që kryejnë subjektet, gjatë sezonit veror.