Kryeministri izraelit Benjamin Netanyahu, ka hedhur poshtë sërish thirrjet për të ndaluar ofensivën ushtarake në Gazë, duke premtuar se ai do ta cojë deri në fund punën e nisur. Ndërkohë, një anëtar i kabinetit të tij ka kërcënuar me pushtimin e qytetit jugor të Gazës, Rafah, nëse pengjet e mbetura izraelite në duart e Hamasit, nuk lirohen deri në nisjen e muajit të shenjtë të Ramazanit. Qeveria izraelite nuk i ka diskutuar publikisht afatet kohore për ofensivën tokësore në Rafah, ku janë strehuar më shumë se 2.3 milionë palestinezët e larguar nga pjesët e tjera të Gazës. Gjenerali në pension Benny Gantz, anëtar i kabinetit të Netanyhut, është zë me ndikim, por nuk dihet nëse ka zë në atë që mund të ndodhë. “Nëse deri në fillim të Ramazanit nuk lirohen pengjet, luftimet do të vazhdojnë në zonën e Rafahut”, ka thënë Gantz në një konferencë të liderëve hebrejo-amerikanë.